माळशिरस लाईव्ह : आर्थिक परिस्थिती अभावी गंभीर आजाराशी झुंज देणाऱ्या गरीब आणि गरजू रुग्णांसाठी माजी आमदार रामभाऊ सातपुते हे खऱ्या अर्थाने ‘आरोग्यदूत’ ठरत आहेत. माळशिरस तालुक्यातील पिलीव येथील रहिवासी मिथुन सुभाष काळे यांच्यावर मुंबईतील नामांकित रुग्णालयात अंदाजे तीन लाख रुपये खर्चाची खुब्याची (Hip) शस्त्रक्रिया पूर्णपणे मोफत आणि यशस्वीरित्या करण्यात आली आहे. या मदतीमुळे मिथुन काळे यांना वेदनामय जीवनातून मुक्ताता मिळून नव्या आयुष्याची सुरुवात करता आली आहे.पिलीव येथील रहिवासी मिथुन सुभाष काळे हे गेल्या अनेक वर्षांपासून खुब्याच्या गंभीर आजाराने त्रस्त होते. डॉक्टरांनी त्यांना तातडीने शस्त्रक्रिया करण्याचा सल्ला दिला होता. मात्र, या उपचारासाठी लागणारा सुमारे ३ लाख रुपयांचा खर्च उभा करणे त्यांच्या कुटुंबाच्या आर्थिक परिस्थितीमुळे शक्य नव्हते. त्यामुळे उपचाराअभावी त्यांना तीव्र वेदना सहन करत दिवस काढावे लागत होते.
मा.आ.रामभाऊ सातपुतेंचा तातडीने मदतीचा हात
मिथुन काळे यांच्या या बिकट परिस्थितीची माहिती मिळताच माजी आमदार रामभाऊ सातपुते यांनी तातडीने मदतीचा हात पुढे केला. त्यांनी आपल्या विशेष संपर्कातून मुंबईतील नामांकित रुग्णालयात त्यांच्या मोफत उपचाराची व्यवस्था केली. नुकतीच मिथुन काळे यांच्यावर खुब्याची अत्यंत जटिल (गुंतागुंतीची) शस्त्रक्रिया यशस्वी पार पडली.
अनेक वर्षांच्या त्रासातून झाली सुटका
शस्त्रक्रियेनंतर मिथुन काळे यांची प्रकृती आता उत्तम असून, अनेक वर्षांपासून होत असलेल्या शारीरिक त्रासातून त्यांची सुटका झाली आहे. आर्थिक अडचणीच्या काळात देवदूतासारखे धावून येत मदत केल्याबद्दल काळे कुटुंबीयांनी माजी आमदार रामभाऊ सातपुते यांचे मनापासून आभार मानले आहेत.
संवेदनशील कार्याचे तालुक्यातून कौतुक
- गरीब, कष्टकरी आणि आर्थिकदृष्ट्या दुर्बल घटकांसाठी सातत्याने मदतीला धावून जाणाऱ्या रामभाऊ सातपुते यांच्या या संवेदनशील कार्याचे पिलीव परिसरासह संपूर्ण माळशिरस तालुक्यातून कौतुक होत आहे.
- पैशांअभावी कोणत्याही गरजू रुग्णाचा उपचार थांबू नये, या उद्देशाने राबविले जाणारे त्यांचे हे कार्य समाजासाठी अत्यंत प्रेरणादायी ठरत आहे.
